3 aydan artıq davam edəcək, 11 komanda, və 50-dən çox idmançının qatılacağı komanda yarışı "Bakı Stolüstü Tennis Klub"-un bu idman növü ilə məşğul olan veteran və həvəskar idmançıların ehtiyaclarını qarşılaya biləcək bir yarış kimi nəzərdə tutulub. Burada bizim məqsədlərimiz:
Stolüstü Tennisi inkişaf etdirmək və onun kütləviliyini artıraraq sağlam həyat tərzini cəmiyyətimizdə təbliğ etmək;
Veteran və həvəskar idmançıların asudə vaxtlarının maraqlı və səmərəli keçirilməsi üçün şərait yaratmaq;
Stolüstü Tennis ilə veteran-həvəskar səviyyədə məşğul olan bütün klub və cəmiyyətləri əlaqələndirmək və bununla ölkəmizdə komanda sistemini inkişaf etdirmək.
Bu layihəni gerçəkləşdirilməsində bizə inanıb dəstək olanlara, bizimlə birgə bu yola çıxan hər bir kəsə sonsuz hörmət və ehtiramımızı bildiririk.
