Salam, Əziz tennis sevərlər!

Klubumuz 2022-ci ildə öz fəaliyyətində ilklərə imza atmağı davam edəcək.. Azərbaycanda idmançılar arasında ilk reytinq sistemini quran klubumuz bu dəfə də sizin tennisə olan marağınızı düşünərək, peşəkarlıq səviyyənizi artırmaq üçün klubumuzda qrup halında məşqlər təşkil etməyi qərara aldı. Qrup Halında Məşqlər Azərbaycan Milli Komandasının oyunçuları tərəfindən aparılacaq: Həsənov Hilal / Məmmədov Nihad. Hər qrupda iştirakçı sayı max. 4 nəfər, məşqə giriş qiyməti isə 10 azn olacaq və məşq prosesi 2 saat təşkil edəcək.

Məşqlər həftənin 1. 2. 4. 5. və 6. Günləri keçirilə bilər. Təqviminizə uyğun olaraq bizə müraciət edə bilərsiz.

***

Fərdi və ya qrup şəklində məşqlərdən başqa, həftədə bir dəfə 250-500 reytinqli bir neçə idmançı xüsusiilə həvəskarlarla sparing üçün zalımıza dəvət alacaq. Həmən məşq günü “Pilləkan”* adlandırılan oyuna qatılmaq imkanınız da yaranır. Turnirdən fərqli olaraq burada oyun daha intensiv və tamamilə gərginlik olmadan keçir. Bu artırmaq üçün çox faydalı bir məşqdir, siz hər zaman fərqli rəqiblərlə, fərqli üslublarla oynayırsınız, fərqli servisləri qəbul edirsiniz... Nəticədə top hissi və taktika mükəmməl inkişaf edir.

Gəlin və özünüz görün!

* - Stolüstü tennisdə “Pilləkan”, oyunçuların bir set oynadığı bir məşq növüdür ki, setin sonunda qalib gələn oyunçu daha güclü oyunçu oynayan masaya, uduzan isə daha zəif oyunçunun masasına keçir. Oyunçular 11 xala qədər oynayırlar (balans yoxdur). Topu oyuna hər zaman uduzan oyunçunun yerinə daxil olan oyunçu daxil edir. Oyunçuların masalara keçidi eyni vaxtda bərabər həyata keçirilir. Oynu bitirmiş oyunçular digər masalarda bütün oynlar bitənə qədər gözləyirlər. Pilləkan oynunu dörd və ya daha çox adam oynaya bilər. Tək sayda oyunçu olarsa, bir oyunçu sonuncu stolda öz növbəsini gözləyir, o masada uduzan isə gözləmə növbəsini tutur. Oyunçuların məqsədi rəqibləri məğlub edərək birinci masaya çıxmaq, və bu masada yerini qorumaqdır.

***

Bir yenilik də ondan ibarətdir ki, biz Azərbaycanda ilk dəfə olaraq Həvəskar Tenisçilər Arasında Komanda Liqasının qeydiyatına start veririk. Liqa oyunları 2 ay ərzində, 2 tur olmaqla, oyunçulara uyğun olan azad qrafik rejimində baş tutacaq. Hər komanda da 3 iştirakçı olmaqla (ümumi komandanın reytinq xalı 600-i keçməmək şərti ilə) qeydiyyatdan keçə bilər.

Komandaların təqviminizə uyğun və öncədən razılaşdırılmış günlərdə, hər bir komanda üzvü üçün 10 azn ödəniş edib digər komanda ilə qarşıdurmaya girəcək. Hər oyunçu rəqib komandanın hər bir 3 oyunçusu ilə qarşılaşacaq və ümumi 9 oyunun ilk 5 qalibiyətini alan komanda qarşıdurmanın qalibi sayılacaq. İki komanda arasında bütün oyunlar bir masa arxasında keçirilir. Ödənişin 50%i birbaşa prizavoy fonda yönəldiləcək. Və müvafiq olaraq, sezonun sonda 1.2.3 yerləri bölüşən komandalara veriləcək.

***

Biz həm sizin maraqlarınızı həm də klubun dayanıqlığını düşünərək bu təşəbbüsləri irəli çəkirik. Ümid edirik hərkəs birlik nümayiş etdirib Azərbaycanda həvəskar arasında stolüstü tennis idman növünü inkişafına öz töhfəsini verəcək və bir-birimiz üçün bu gözəl idman növünü daha da xoş, maraqlı və əlçatan edəcəyik.

Hörmətlə, BTTC.