Klub üzvlərinin diqqətinə:

   Uzun sürən müzakirələrdən sonra kollegiya fora qaydalarına düzəlişlər etdi. Xatırladaq ki, fora tədbiqi fərqli səviyyədə olan oyunçular arasında oyunları hər iki tərəf üçün maraqlı  keçməsinə və qalibiyyət şanslarının bərabərləşdirilməsinə xidmət edir. Məs bu səbəbdən oyunçuların bir birinə qarşı oyun səviyyələrinin düzgün məyyarlarla, obyektiv dəyərləndirməsi böyük önəm daşıyır. Bu günə kimi klub bunun üçün yalnız reytinq sıralamasına istinad edirdi. Amma bu kifayət etmir, təcrübə onu göstərir ki, reytinq sıralamasında bəzən bir oyunçunun digər oyunçuya qarşı olan oyun səviyyəsini əks etdirmir.

   Odur ki, əlavələrin qəbul olunmasında əsas məqsədimiz oyunçuların reytinq sıralamasında onların oyun səviyyəsinə adekvat olan yeri tutub-tutmadığlarını müəyyən etmək (active - inactive), və fora tədbiqini bundan sonra, məqsədyönlü istifadəsinə nail olmaqdır.

   Qərara alındı:

   1. Bir oyunçunun reytinq sıralamasında tutduğu yer onun reytinq yarışlarında mütəmadi iştirakı ilə əsaslandırılır. 

   Açıqlaması: 

   Bir ay müddətində ən azından 3 reytinq yarışına qatılan oyunçunun nəticələri aktual - fora hesabat sistemi üçün aktiv sayılacaq. Digər hallarda oyunçunun reytinq göstəricisi fora sistemi üçün qeyri aktiv sayılacaq, və bu oyunçuların yarış öncəsi fora sistemində tutduqları yeri (yarış üçün qırış reytinqi) yarış təşkilatçısı tərəfindən müəyyən ediləcək. Bunun üçün oyunçunun son bir ay müddətində keçirdiyi qarşılaşmalar və onun rəqiblərinin reytinq sıralamada tutduqları yerlər əsas götürüləcək.

   Bu cür dəyərləndirmələr həmçinin reytinq sistemində aktiv görünən, yalnız Duellər vasitəsilə süni şəkildə xallarını azaltmağda şübhəli olan oyunçulara qarşı da tətbiq olunacaq. 

   2. Yarış zamanı qarşılaşan iki oyuncu arasında keçirilən son 5 forasız oyunlarda qarşılıqlı qalibiyyət varsa, o halda oyunçular bir-birinə qarşı rəqabətçil sayılır, və həmin oyunda fora tədbiq olunmur.

   Açıqlaması:

   Bəzən elə hallar var ki, iki fərdi oyunçunun digər oyunçulara qarşı oyun səviyyələri fərqlidir və bu reytinq sıralamasında öz əksini tapır, amma bir-birinə qarşı yaxşı oyun nümayiş etdirirlər. Bu cür hallarda foranın tədbiqi ədalətli oyun prinsipinə zidd gedir, və bir oyunçunun digər oyunçu üzərində süni şəkildə üstünlüyünü yaradır.

   İnanırıq ki bu əlavələr ədalətli oyunun prinsipinə cavab verir və yarışların daha da maraqlı keçməsinə öz töhfəsini verəcək. 

   Hamınıza gələcək yarışlarda bol idman uğurları və ondan da daha vacib olan, hər dəfəsində əla əhval-ruhiyyəilə zaldan ayrılmağınızı diləyirik.

   Hörmətlə, 

   BTTC kollegiya üzvləri